මම මීගමුවෙ ඉඳන් ලීලක්කගෙ ගෙදෙට්ට ඇවිත්, එතනින් ලීලක්කගෙ මාළු ලෑල්ලට ඇවිත් දවස් තුනයි. ලීලක්ක මාළු කපන හැටි බලාන ඉන්ඩ ආස හිතෙනව.
කොරපොතු සුද්ද කරල, වරලයි, ඔළුවයි කපල අයින් කරල ගානට මිම්මට කෑලි කපනව. දකිනකොට මගෙ හීතල ඇඟ හිරි වැටෙනව.
වනිගෙ වත්තෙ බඩදරු අම්ම කෙනෙක් මාළු ගන්ඩ ආවොත් ලීලක්ක සල්ලි ගන්නෙ නෑ. ලීලක්කගෙ ගෙදර තියෙන්නෙ වනිගෙ වත්තෙ. ලෑලි ගහපු පොඩි ගෙදරක්. ඉන්නෙ ලීලක්කයි, පුතයි, දුවයි. මිනිහ දාල ගිහිං තියෙන්නෙ ළමයි පොඩි කාලෙමයි. පොඩි උන්ට කන්ඩ දෙන්ඩ විදිහක් නැති තැන, සුන්දරේ මුදලාලිට පින්සෙන්ඩු වෙලා මාළු ලෑල්ල කුලියට ගත්තලු. ඒකට ඉතුරු කරගෙන හිටපු සබ්බ සකලමනාවම ගියා කියල තමයි ලීලක්ක කියන්නෙ. මම අහගෙන හිටියෙ ලීලක්ක මේ විස්තරේ අලුතෙන් පත්වෙලා ආපු ග්‍රාමසේවක මහත්තයට කියනව.
හෙට දිහාට ලීලක්ක කිසි අනුකම්පාවක් නැතුව ගානට මිම්මට මාවත් කපල දායි.
හෙට දිහාට ලීලක්ක කිසි අනුකම්පාවක් නැතුව ගානට මිම්මට මාවත් කපල දායි.
No comments:
Post a Comment